پی ڈی ایم اے کے مطابق16 سے 19 جنوری کے دوران مغربی ہواؤں کا سسٹم پنجاب میں داخل ہو گا،20 سے 23 جنوری کے دوران مری گلیات اور دیگر پہاڑی علاقوں میں شدید برفباری اور بارش کا امکان ہے جبکہ 20 سے 23 جنوری کے دوران پنجاب کے بیشتر اضلاع میں بارش متوقع ہے۔

ترجمان پی ڈی ایم اے نے کہا کہ اس دوران صوبائی دارالحکومت لاہور سمیت سرگودھا، گوجرانوالہ، ساہیوال، ملتان، فیصل آباد، ڈیرہ غازی خان اور بہاولپور ڈویژن میں بارش کا امکان ہے۔

یہ بھی پڑھیں: شدید دھند کے باعث موٹر وے کے مختلف سیکشنز بند

ڈی جی پی ڈی ایم اے پنجاب عرفان علی کاٹھیا نے کہا ہے کہ لوکل گورنمنٹ، محکمہ صحت، ریسکیو 1122، پولیس اور محکمہ ٹرانسپورٹ کو الرٹ جاری کر دیا گیا ہے، تمام محکمہ جات وزیر اعلیٰ پنجاب مریم نواز کی ہدایات کے پیش نظر تمام تر انتظامات پیشگی مکمل کریں۔

عرفان علی کاٹھیا کا کہنا تھا کہ ایمرجنسی کنٹرول رومز میں سٹاف کو 24 گھنٹے الرٹ رکھا جائے، ریسکیو 1122 کی ڈائزاسٹر رسپانس ٹیموں کو بھی ہائی الرٹ رکھا جائے۔

اس کو بھی پڑھیں: مختلف علاقوں میں بارش اور دھند، محکمہ موسمیات کی پیشگوئی

ڈی جی پی ڈی ایم اے نے ہدایت کی کہ شہری خراب موسم کی صورتحال میں غیر ضروری سفر سے گریز کریں ، مری میں سیاح احتیاطی تدابیر اختیار کریں اور ضلعی انتظامیہ کی ہدایات پر عمل کریں، تیز رفتاری اور اچانک بریک لگانے سے اجتناب کریں، دوران سفر فوگ لائیٹس کا استعمال کریں۔

ان کا مزید کہنا تھا کہ سیاحوں کی سہولیات کے لیے مری میں مختلف مقامات پر فسیلی ٹیشن سنٹرز قائم کیے گئے ہیں، عوام جاری کردہ احتیاطی تدابیر پر عمل کریں۔