وزیر اعلی کے پی سہیل آفریدی روانگی سے قبل اسلام آباد ایئرپورٹ پہنچے جہاں عوام اور کارکنان نے ان سے ملاقات کی اور سیلفیاں بنائیں۔
اس موقع پر صوبائی کابینہ کے اراکین کے علاوہ کے پی سے تعلق رکھنے والے قومی و صوبائی اسمبلی کے اراکین بھی سہیل آفریدی کے ہمراہ موجود تھے۔
کراچی روانگی سے قبل وزیر اعلیٰ پشاور نے سندھ کے کارکنان کیلئے ویڈیو پیغام جاری کرتے ہوئے کہا کہ وہ اپنے قائد کا پیغام لے کر سندھ جا رہے ہیں۔
انہوں نے کارکنان کو ہدایت جاری کی کہ اتوار کو مزار قائد پر ہونے والے جلسے کی تیاریاں آج سے ہی شروع کر دیں۔
یہ بھی پڑھیں:ہائیکورٹ: دوران ڈیوٹی پولیس اہلکاروں کے موبائل استعمال پر پابندی
وزیر اعلیٰ پشاور کی جانب سے دعویٰ کیا گیا کہ کراچی کی تاریخ کا سب سے بڑا جلسہ منعقد کیا جائے گا، اس مقصد کیلئے سندھ میں مختلف سرگرمیاں پلان کی گئی ہیں۔
سہیل آفریدی نے کارکنان سے اپیل کی کہ وہ اسٹریٹ موومنٹ میں ان کا بھرپور ساتھ دیں۔
پارٹی ذرائع کے مطابق دورہ سندھ کے دوران وزیر اعلیٰ سہیل آفریدی پارٹی قیادت سے ملاقاتیں کریں گے، جبکہ کراچی میں وکلاء، تاجر تنظیموں، وزیر اعلیٰ سندھ اور میڈیا نمائندوں سے بھی ملاقاتیں متوقع ہیں۔
