جیل ذرائع کے مطابق یہ ملاقات جیل حکام کی نگرانی میں طے شدہ قواعد و ضوابط کے تحت کروائی گئی، جس میں دونوں میاں بیوی کو ایک دوسرے سے بات چیت کا موقع ملا۔

ذرائع کا کہنا ہے کہ بانی پاکستان تحریک انصاف (پی ٹی آئی) عمران خان اور بشریٰ بی بی تقریباً 45 منٹ تک اکٹھے رہے، ملاقات کے دوران دونوں نے ایک دوسرے کی خیریت دریافت کی اور گھریلو امور پر تبادلۂ خیال کیا۔

جیل انتظامیہ کا کہنا ہے کہ یہ ملاقات کوئی پہلی نہیں بلکہ گزشتہ منگل کو بھی عمران خان اور ان کی اہلیہ کے درمیان ملاقات کروائی گئی تھی، تاہم اس بار بھی سیکیورٹی وجوہات اور جیل قوانین کے تحت بیرونِ جیل سے کسی عزیز، رشتہ دار یا پارٹی رہنما کو ملاقات کی اجازت نہیں دی گئی۔

یہ بھی پڑھیں:حکومت اور تحریک انصاف میں مذاکرات؟ مؤقف سامنے آ گیا

دوسری جانب پاکستان تحریک انصاف (پی ٹی آئی) رہنماؤں کا کہنا ہے کہ عمران خان کو اپنی اہلیہ سے ملاقات کی سہولت ملنا ایک مثبت پیش رفت ہے، دیگر قانونی اور انسانی حقوق بھی مکمل طور پر فراہم کیے جائیں۔

واضح رہے کہ بانی پی ٹی آئی اس وقت مختلف مقدمات کے سلسلے میں اڈیالہ جیل راولپنڈی میں قید ہیں،جہاں ان کے کیسز کی عدالتی کارروائیاں جاری ہیں۔