صوبائی وزیر ہاؤسنگ بلال یاسین کی زیر صدارت اہم اجلاس ہوا جس کے دوران پنجاب افورڈایبل ہاؤسنگ کے پراجیک ڈائریکٹر عمران علی سلطان نے بریفنگ دی۔

بریفنگ میں بتایا گیا کہ منصوبے کے تحت اڑھائی سے 3 مرلہ سرکاری اراضی پر 37 ہزار سے زائد گھروں کی تعمیر ممکن ہو گی،ورلڈ بینک کے اشتراک سے پنجاب میں 25 اضلاع کے 35 مقامات پر گھروں کی تعمیر کا آغاز ہو گا۔

بریفنگ میں بتایا گیا کہ لاہور، گوجرانوالہ،فیصل آباد، ملتان، سیالکوٹ، لیہ اور خانیوال سمیت 25 اضلاع کی عوام مستفید ہوں گے۔

یہ بھی پڑھیں: اپنی زمین اپنا گھر پروگرام کا آغاز، میاں نواز شریف کے ہاتھوں افتتاح

صوبائی وزیر ہاؤسنگ بلال یاسین کا کہنا تھا کہ سرکاری اراضی پر اگلے 3 ماہ میں پرائیویٹ سیکٹر کے تعاون سے تعمیراتی کاموں کا آغاز ہو گا،مستحق خاندانوں کو اپنے گھروں کی فراہمی وزیر اعلیٰ پنجاب مریم نواز کی اولین ترجیحات میں ہے۔

بلال یاسین نے مزید کہا کہ5 سال کی مدت میں اپنی چھت اپنا گھر پروگرام بھی 5 لاکھ سے زائد خاندانوں کے گھر مکمل کرے گا،افورڈایبل ہاؤسنگ پراجیکٹ میں کم سے کم اقساط کی رقم کا تعین کیا جائے گا۔