رجب 1447 ہجری کا آغاز 21 دسمبر 2025 سے ہوگا، جس کے بعد اسلامی کیلنڈر کے اہم مہینے رمضان کی آمد متوقع ہے۔
مصر کے نیشنل ریسرچ انسٹی ٹیوٹ آف ایسٹرانومی اینڈ جیو فزکس کے سربراہ ڈاکٹر طہ رباہ کے مطابق رجب کا نیا چاند 20 دسمبر کی صبح قاہرہ کے وقت کے مطابق 3 بج کر 45 منٹ پر پیدا ہوگا اور اسی دن دیکھے جانے کے امکانات بھی موجود ہیں۔
مکہ مکرمہ میں نئے چاند کو سورج غروب ہونے کے بعد تقریباً 14 منٹ تک دیکھا جا سکے گا، جبکہ قاہرہ میں یہ مدت 10 منٹ کے درمیان متوقع ہے۔
عرب اور دیگر اسلامی دارالحکومتوں میں چاند کی موجودگی 1 سے 26 منٹ کے درمیان دیکھی جا سکتی ہے، جبکہ ترکی کے دارالحکومت انقرہ میں چاند سورج کے ساتھ ہی غروب ہو جائے گا۔
یہ بھی پڑھیں:بے نظیر انکم پروگرام کی قسط لینے والوں کیلئے اہم خبر
رمضان 2026 میں روزوں کے اوقات مختلف ممالک میں مختلف ہوں گے، مہینے کے ابتدائی دنوں میں روزہ تقریباً 12 گھنٹے کا ہوگا، جبکہ اختتامی دنوں میں یہ دورانیہ بڑھ کر 13 گھنٹے تک جا سکتا ہے۔
حتمی تاریخ 29 شعبان کو سعودی عرب میں چاند دیکھے جانے کے بعد طے کی جائے گی۔
