وزیر دفاع خواجہ آصف نے سماجی رابطوں کی ویب سائٹ ایکس (سابقہ ٹویٹر) پر ایک پیغام میں کہا کہ چیف آف ڈیفنس فورسز کے نوٹیفکیشن کے بارے میں غیر ضروری اور غیر ذمہ دارانہ قیاس آرائیاں کی جارہی ہیں۔
ان کا کہنا تھا کہ چیف آف ڈیفنس فورسز کے نوٹیفکیشن کے لئے عمل شروع کر دیا گیا ہے، وزیراعظم شہباز شریف جلد وطن واپس آرہے ہیں، مقررہ وقت پر نوٹیفکیشن جاری کر دیا جائے گا۔
There is unnecessary and irresponsible speculation about CDF notification. Please be informed that the process has been initiated. PM is returning shortly. Notification will be issued in due course of time. No room for any conjecturing. Period!
— Khawaja M. Asif (@KhawajaMAsif) November 30, 2025
وزیر دفاع خواجہ محمد آصف نے مزید کہا کہ چیف آف ڈیفنس فورسز کے نوٹیفکیشن کے معاملے پر کسی قسم کی قیاس آرائیوں کی گنجائش نہیں ہے۔
یہ بھی پڑھیں: بجٹ میں تنخواہ دار طبقے کےلئے اچھی خبر
واضح رہے کہ 27ویں ترمیم کے بعد چیف آف ڈیفنس فورسز کا عہدہ تخلیق کیا گیا ہے اور پارلیمنٹ کی منظوری سے آرمی چیف فیلڈ مارشل عاصم منیر کو یہ عہدہ دیا گیا ہے تاہم ابھی تک نوٹی فکیشن جاری نہیں کیا گیا۔
