سعودی وزارت حج و عمرہ کی جانب سے دونوں ممالک کے درمیان حج معاہدے سے متعلق اعلامیہ بھی جاری کردیا گیا۔
اعلامیہ کے مطابق سعودی عرب اور پاکستان کے درمیان حج 2026ء کے لیے انتظامات اور سہولیات سے متعلق باضابطہ معاہدہ طے پا گیا، سعودی نائب وزیر برائے حج و عمرہ ڈاکٹر عبد الفتاح بن سلیمان المشاط اور پاکستان کے وفاقی سیکرٹری مذہبی امور ڈاکٹر سید عطاء الرحمن نے گزشتہ شب جدہ میں حج معاہدے پر دستخط کیے۔
اعلامیہ میں بتایا گیا کہ حج معاہدہ پر دستخط کی تقریب میں پاکستان میں تعینات سعودی سفیر نواف بن سعید المالکی، ڈی جی حج جدہ عبدالوہاب سومرو، ڈائریکٹر حج مکہ مکرمہ عزیز اللہ خان، ڈائریکٹر حج مدینہ منورہ ضیاءالرحمان، ڈپٹی سیکرٹری حج پالیسی چودھری کاشف حسین اور پرائیویٹ حج کمپنیوں کی نمائندہ تنظیم ہوپ کے عہدے داران شریک ہوئے۔
یہ بھی پڑھیں: کونسے افراد اب حج نہیں کر سکیں گے؟ اعلامیہ جاری
وفاقی سیکرٹری مذہبی امور ڈاکٹر سید عطاء الرحمان نے ضیوف الرحمان کی مہمان نوازی اور سہولیات کی فراہمی کے لیے سعودی حکومت کی بہترین کاوشوں پر شکریہ ادا کیا۔
اس موقع پر وفاقی سیکرٹری مذہبی امور ڈاکٹر سید عطاء الرحمان نے کہا کہ گزشتہ برس کی طرح اس سال بھی پاکستانی حجاج کرام کو اعلیٰ معیار کی سہولیات فراہم کی جائیں گی۔
ان کا مزید کہنا تھا کہ وزارتِ مذہبی امور سعودی حکومت کی ہدایات کے مطابق سرکاری اور پرائیویٹ حج اسکیموں کے انتظامات کو بروقت اور مؤثر طریقے سے مکمل کرنے کے لیے پر عزم ہے۔
