ذرائع پاور ڈویژن کے مطابق فائدہ اٹھانے والوں میں لاہور، گوجرانوالہ، پشاور، ملتان، فیصل آباد، اسلام آباد اور قبائلی علاقہ جات کے صارفین شامل ہیں، صارفین کے بجلی بلز کی مد میں 17 ارب روپے سے زائد کا ریلیف دیا گیا۔

یہ بھی پڑھیں: سندھ: ایک ماہ کیلئے دفعہ 144 نافذ، جلسوں، دھرنوں پر پابندی عائد

ذرائع کے مطابق گوجرانوالہ الیکٹرک سپلائی کمپنی کے 15 لاکھ صارفین جبکہ پشاور الیکٹرک سپلائی کمپنی کے 4 لاکھ 75 ہزار صارفین کے بلز معاف کئے گئے۔ ملتان الیکٹرک سپلائی کمپنی کے 2 لاکھ 65 ہزار، اسلام آباد الیکٹرک سپلائی کمپنی کے 77 ہزار، لاہور کے 48 ہزار اور فیصل آباد الیکٹرک سپلائی کمپنی کے ایک لاکھ 65 ہزار صارفین کے بل معاف ہوئے۔
ذرائع پاور ڈویژن کے مطابق ٹرائبل الیکٹرک کمپنی کے ایک ہزار صارفین بھی اگست کے بجلی بل ادا نہیں کریں گے جبکہ سکھر الیکٹرک سپلائی کمپنی کے علاقوں میں سیلاب متاثرین کے حوالے سے سروے جاری ہے۔