تفصیلات کے مطابق حسن ابدال اور اسلام آباد ریجن کے متعدد علاقوں میں عارضی طور پر گیس کی فراہمی معطل کرنے کا فیصلہ ٹی بی ایس (TBS) کی شفٹنگ کے باعث کیا گیا۔ کمپنی کی جانب سے جاری کردہ سرکاری نوٹیفکیشن کے مطابق آج ( بدھ 8 اکتوبر کو صبح 9 بجے سے شام 6 بجے تک) گیس کی فراہمی معطل رہے گی۔ ایس این جی پی ایل کا کہنا ہے کہ یہ معطلی نظام کی ضروری دیکھ بھال اور تنصیب کے کام کی انجام دہی کے لیے ناگزیر ہے۔

یہ بھی پڑھیں: نادرا نے شناختی کارڈ بنانے کا مکمل طریقہ کار بدل دیا

متاثرہ علاقوں میں واہ گارڈن پل جی ٹی روڈ سے حسن ابدال شہر، چوہا شاہ غریب، ماڈل ٹاؤن فیز تھری، ایبٹ آباد موڑ ہزارہ روڈ سے کے ایس بی انڈسٹری اور اس کے گرد و نواح شامل ہیں۔ کمپنی نے رہائشیوں کو مشورہ دیا ہے کہ وہ پیشگی ضروری انتظامات کر لیں اور گیس بحالی کے بعد گیس سے متعلقہ آلات کو احتیاط کے ساتھ استعمال کریں۔