ایڈیشنل سیشن جج یلماز غنی نے سابق وزیراعظم عمران خان کے خلاف 10 ارب روپے ہتک عزت کے دعویٰ کے کیس کی سماعت کی۔ بانی پی ٹی عمران خان کے وکیل کی غیر موجودگی کے باعث کیس میں کوئی پیشرفت نہ ہو سکی۔ ایڈیشنل سیشن جج یلماز غنی نے کہا کہ آئندہ سماعت پر فریقین وکلا 10 بجے عدالت پیش ہوں۔

یہ بھی پڑھیں: عمران خان و بشریٰ بی بی کیخلاف توشہ خانہ ٹو کیس کی سماعت کل ہو گی

یاد رہے شہباز شریف نے بانی پی ٹی آئی کے عمران خان کیخلاف 10 ارب روپے ہرجانے کا دعویٰ دائر کر رکھا ہے جس میں موقف اپنایا گیا کہ پانامہ لیکس کے معاملے پر بانی پی ٹی آئی نے جھوٹا الزام عائد کیا، عدالت سے استدعا ہے کہ الزام سے شہرت متاثر ہوئی عدالت دس ارب روپے ہرجانہ ادا کرنے کا حکم دے۔
عدالت نے وزیراعظم شہباز شریف کو ویڈیو لنک پر جرح کے لیے 12 ستمبر کو طلب کر لیا۔