خاندانی ذرائع کے مطابق صادق سنجرانی کے والد آصف خان سنجرانی نجی ہسپتال میں زیرعلاج تھے۔ تدفین آبائی قبرستان چاغی میں کی جائے گی۔ چیئرمین سینیٹ یوسف رضا گیلانی نے صادق سنجرانی کے والد کے انتقال پر اظہارافسوس، مرحوم کے ایصالِ ثواب کیلئے دعا اور اہلخانہ سے دلی تعزیت کا اظہار کیا ہے۔

یہ بھی پڑھیں: اعجاز چودھری نے اپنی نااہلی کو لاہور ہائیکورٹ میں چیلنج کر دیا

صدر پاکستان آصف علی زارداری نے سابق چیئرمین سینیٹ صادق سنجرانی کے والد کی وفات پر افسوس کا اظہار کیا۔ انہوں نے کہا کہ صادق سنجرانی کے غم میں برابر کے شریک ہیں۔ صدر مملکت نے دعا کی کہ الّلہ تعالیٰ مرحوم کو جنت الفردوس میں جگہ عطا فرمائے۔ آصف علی زرداری نے صادق سنجرانی اور اہلِ خانہ کے لئے صبر و حوصلے کی دعا کی۔
وزیرِ اعلی مریم نواز شریف نے سابق چیئرمین سینیٹ صادق سنجرانی کے والد آصف سنجرانی کے انتقال پر افسوس کا اظہار کیا اور سوگوار خاندان سے دلی ہمدردی و اظہار تعزیت کیا۔