عرفان کاٹھیا نے کہا ہے کہ آج رات شاہدرہ سے اونچے درجے کا سیلاب گزرے گا جو کہ ایک بہت بڑا چیلنج ہے، امید ہے پانی بند کو متاثر نہیں کرے گا۔

ڈی جی پی ڈی ایم اے عرفان کاٹھیا نے مزید کہا کہ دریائے چناب میں ایک دہائی کے بعد اتنا پانی دیکھا گیا ہے۔ جب تک پانی رحیم یار خان سے نہیں گزر جاتا ،ہمارے لئے چیلنج ہے۔

یہ بھی پڑھیں: محکمہ صحت پنجاب کا سیلاب سے متاثرہ علاقوں میں ریلیف کیمپس لگانے کا فیصلہ

 ان کا مزید کہنا تھا کہ چناب میں 128 جگہیں پانی میں ہیں۔ آج رات راوی کا پانی شاہدرہ کے مقام سے رات 11 بجے گزرے گا۔آج کی رات ہمارے لئے پانی کا بہاؤ چیلنج ہوگا۔ انہوں نے راوی کے اطراف کے علاقوں کو فوری خالی کرنے کی اپیل کی ہے۔