ذرائع کے مطابق پاکستان تحریک انصاف کے سینئر رہنماؤں نے بانی پی ٹی آئی کی رہائی کے معاملے پر حکومت کے ساتھ ثالِثی کےلئے جماعت اسلامی سے رابطہ کیا۔
امیر جماعت اسلامی حافظ نعیم الرحمان نے اپنے ایک بیان میں کہا ہے کہ پی ٹی آئی کے سینئر رہنماؤں نے ہمارے ساتھ رابطہ کیا کہ ثالِثی کروا دیں ، ہم نے کہا کہ پہلے جاکر بانی پی ٹی آئی سے مینڈیٹ لیکر آؤ۔
حافظ نعیم الرحمان کا کہنا تھا کہ ہم نے کہا حکومت اور پی ٹی آئی کے درمیان ثالِثی کروانے کےلیے تیار ہیں لیکن حکومت سے اس وقت بات کریں گے جب آپ پہلے مکمل منڈیٹ لے کر آئیں گے،ثالِثی کروانے کے لیے ضروری ہے کہ پہلے آپ کے درمیان کلیریٹی لائی جائے۔
انہوں نے کہا کہ ہم نے اپنی جماعت کا اجلاس بلا کر فیصلہ کیا کہ اگر بانی پی ٹی آئی اپنی بات پر قائم رہتے ہیں اور ثالِثی کا منڈیٹ دیتے ہیں تو پھر حکومت سے بات کریں گے۔
امیر جماعت اسلامی کا مزید کہنا تھا کہ اس وقت بے شمار مسائل ہیں جن کو حل کرنے کے لیے سب نے مل کر ملک کے ساتھ کھڑا ہونا ہے ، یہ وقت ہے ہمیں سب کو مل کر ملک کو آگے لیکر چلنا ہے۔
