چیف آرگنائزرتحریک انصاف پنجاب عالیہ حمزہ نے سماجی رابطوں کی ویب سائٹ ایکس (سابقہ ٹویٹر) پر جاری ایک بیان میں کہا کہ اطلاعات کے مطابق میں پچھلے دو دن سے بہت مصروف تھی،ایسی مصروفیات جن کا شاید مجھے بھی عمل نہیں تھا، کیا کوئی روشنی ڈالے گا؟
انہوں نے سوال کیا کہ بانی کی رہائی کے لیے کس لائحہ عمل کا کل یا آج اعلان ہوا ہے؟ تحریک کہاں سے اور کیسے چلے گی؟5 اگست کے مقابلے میں 90 دن کاپلان کہاں سے آیا ہے؟
ویسے تو میرے تک پہنچنے والی کچھ اطلاعات کے مطابق میں پچھلےدو دن سے بہت مصروف تھی 🫣
— Aliya Hamza Malik (@aliya_hamza) July 13, 2025
ایسی مصروفیات جن کا شاید مجھے بھی عمل نہیں تھا!
کیا کوئی روشنی ڈالے گا؟
وزیراعظم خان کی رہائی کے لیے کس لائحہ عمل کا کل یا آج اعلان ہوا ہے؟
تحریک کہاں سے اور کیسے چلے گی؟
5اگست کے مقابلے میں 90…
عالیہ حمزہ کا مزید کہنا تھا کہ اگر آپ میں سے کسی کی نظر سے 90 روز کا پلان گزرا ہو تو میری بھی رہنمائی کردیں، ہمارافوکس اورنشانہ صرف بانی کی رہائی،نعرہ صرف ایک ہی ہے۔
یاد رہے کہ اس سے قبل وزیراعلیٰ خیبرپختونخوا علی امین گنڈاپور نے لاہور میں پارٹی اجلاس سے خطاب کرتے ہوئے کہا تھا کہ آج سے پاکستان تحریک انصاف (پی ٹی آئی) اپنی نئی تحریک کا آغاز کر رہی ہے جو پورے ملک کو فتح کرے گی۔
ان کا کہنا تھا کہ ہم اس تحریک کو پاکستان کے ہر گلی، کوچے، محلے اور شہر تک لیکر جائیں گے، 90 روز میں تحریک عروج پر لے جا کر آر یا پار کریں گے، اب بات فیصلہ سازوں سے ہوگی، یا تو ہم رہیں گے یا نہیں رہیں گے۔
