ذبیع اللّٰہ نے سوشل میڈیا پر جاری ویڈیو پیغام میں اعلان کیا کہ وہ ان مساجد کو اپنے ذاتی خرچ پر دوبارہ تعمیر کرائیں گے۔

انہوں نے کہا کہ پاکستان کے ازلی دشمن بھارت نے رات کی تاریکی میں نہتے شہریوں اور مسجدوں کو نشانہ بنا کر اپنی بزدلی کا ثبوت دیا ہے، مگر پاکستانی قوم متحد ہے اور اپنے دینی و قومی شعائر کا دفاع کرنا جانتی ہے۔

ذبیع اللّٰہ نے پاک افواج سے بھرپور یکجہتی کا اظہار کرتے ہوئے کہا کہ وہ ملک کے دفاع میں فوج کے ساتھ شانہ بشانہ کھڑے ہیں۔

دوسری جانب بھارتی جارحیت کیخلاف پاکستانی عوام میں شدید غم و غصہ پایا جا رہا ہے۔ شہریوں نے بھارت کو خبردار کرتے ہوئے کہا ہے کہ حملہ تم نے شروع کیا، اب ختم ہم کریں گے۔ عوام کا کہنا ہے کہ بھارت کو اس جارحیت کا ایسا جواب دیا جائے گا جو وہ ہمیشہ یاد رکھے گا۔

سوشل میڈیا پر عوام کی جانب سے پاک فوج کے حق میں بھرپور پیغامات سامنے آ رہے ہیں۔ ہر زبان پر یہی نعرہ ہے: ہماری فوج، ہمارا فخر اور تم نے رات میں حملہ کیا، ہم دن میں آئیں گے اور اندر گھس کر ماریں گے۔