ہونڈا کمپنی نے گرافک ڈیزائن میں بڑی تبدیلیوں کے ساتھ ساتھ تمام ویریئنٹس کیلئے اپنے نئے ماڈل کی تقریبِ رونمائی کی ہے، کمپنی نے تقریب کے دوران موٹر سائیکل کے نئے ماڈل ہونڈا سی جی 125 گولڈ 2025 کی بھی نماءش کی ہے۔
ستمبر 2024 تک ہونڈا سی جی 125 گولڈ کی قیمت پاکستان میں 2 لاکھ 92 ہزار 900 روپے ہے، جو ملک کے تمام شہروں میں یکساں قیمت پر دستیاب ہے، اس سے پہلے موجود ماڈل کی قیمت 2 لاکھ 82 ہزار 900 تک تھی،نئےماڈل کی قیمت پرانے ماڈل کے مقابلے میں 10 ہزار روپے بڑھائی گئی ہے۔
خیال رہے کہ ہونڈا موٹرسائیکل کا نیا لانچ ہونے والا ماڈل قسطوں پر بھی دستیاب ہوگا،جسے ہونڈا کے شوقین افراد نجی بینک سے آسان اقساط پر خرید سکیں گے،نجی بینک نے 3 سال کی آسان اقساط پر ہونڈا سی جی 125 گولڈ فروخت کیلئے پیش کیا ہے تاہم خریدار ایک سال کی آسان اقساط پر بھی یہ سواری خرید سکتے ہیں۔
ایک سالہ اقساط کے پلان کے تحت خریداری کے خواہشمند افراد کو پیشگی 89 ہزار 670 روپے جمع کروانے ہوں گے،جس میں 1800 روپے پراسیسنگ فیس بھی شامل ہے،جبکہ خریدار کو 20 ہزار 495 روپے قسط کی صورت میں ہرماہ ادا کرنے ہوں گے۔
