ننکانہ: تعلیمی ادارے 5 دن کیلئے بند رکھنے کا اعلان
سکول کے بچے چھٹی کے بعد گھروں کو جا رہے ہیں/ فائل فوٹو
April, 11 2025
ننکانہ صاحب: (ویب ڈیسک) بیساکھی میلے کی مناسبت سے ننکانہ صاحب کی ضلعی انتظامیہ نے تعلیمی ادارے 5 دن کے لئے بند رکھنے کا اعلان کر دیا۔
تفصیلات کے مطابق ننکانہ صاحب کی ضلعی انتظامیہ نے چھٹیوں کا باقاعدہ نوٹیفکیشن جاری کر دیا۔ بیساکھی میلہ میں شرکت کے لیے بھارت سے سکھ یاتریوں کی ایک بڑی تعداد پاکستان پہنچ چکی ہے، بھارت سے 7 ہزار کے قریب سکھ یاتری ننکانہ صاحب پہنچیں گے۔
ڈسٹرکٹ پولیس آفیسر (ڈی پی او) کی ہدایت پر پولیس نے سکھ برادری کے بیساکھی میلے کیلئے سیکیورٹی پلان جاری کر دیا۔ ترجمان پولیس کے مطابق 2000 پولیس افسران و جوان سیکیورٹی ڈیوٹی پر مامور ہوں گے۔
ضلعی پولیس کے علاوہ پنجاب کنسٹیبلری فاروق آباد اور دیگر اضلاع سے اضافی نفری بھی طلب کی گئی ہے، بیرون ممالک سے آنے والے سکھ یاتری 12 اپریل کو ننکانہ صاحب پہنچیں گے۔
