ذرائع نے دعویٰ کیا ہے کہ پارٹی کے اندر دیگر قائدین کے بھی اختلافات چل رہے ہیں، سابق صوبائی وزیر تیمور جھگڑا بھی وزیراعلیٰ کے پی کیخلاف کھل کر سامنے آگئے ہیں۔ تیمور جھگڑا نے انٹرنل احتساب کمیٹی پر اپنا تحریری ردعمل سوشل میڈیا پر بھی جاری کردیا۔

دوسری جانب اسپیکر کے پی اسمبلی بابر سلیم سواتی اور اعظم سواتی کے درمیان بھی سخت اختلافات چل رہے ہیں، اعظم سواتی نے اسپیکر خیبرپختونخوا اسمبلی پر غیرقانونی اقدامات کے الزامات عائد کیے ہیں۔

عاطف خان اور وزیراعلی سردار علی امین گنڈاپور کا راضی نامہ بھی تحال ممکن نہ ہوسکا، مشیراطلاعات بیرسٹرسیف کو بھی کابینہ سے ہٹانے پرکئی پارٹی رہنما سرگرم ہیں۔ بیرسٹرسیف پر پارٹی پالیسی کیخلاف بیانات دینے کا الزام لگایا گیا ہے۔

 اس کے علاوہ اسد قیصربھی سردار علی امین گنڈاپور سے ناراض ہیں، ان کا شکوہ ہے کہ سیاسی شخصیات سےبات چیت میں علی امین نے انہیں نظرانداز کیا۔ جنید اکبرنے بھی پارٹی کی صوبائی کابینہ سے سردار علی امین کے قریبی ساتھیوں کوہٹایا۔

سیکرٹری اطلاعات پاکستان تحریک انصاف (پی ٹی آئی) کے پی عدیل اقبال نے اختلافات کی تصدیق کرتے ہوئے کہا کہ پاکستان تحریک انصاف (پی ٹی آئی) خیبرپختونخوا کی قیادت میں اس وقت کچھ اختلافات ہیں تاہم یہ وقتی اختلافات ہیں،جلد دور کردیے جائیں گے۔