فیصل آباد کی انسداد دہشت گردی عدالت میں 9 مئی کے مقدمات کی سماعت ہوئی، جس میں دونوں رہنماؤں پر پولیس وین کو جلانے، توڑ پھوڑ کرنے اور جلاؤ گھیراؤ کے الزامات ہیں۔

واضح رہے کہ زرتاج گل عدالت میں پیش نہیں ہو سکیں، تاہم ان کے وکیل نے عدالت میں حاضری مکمل کرائی۔ عدالت نے کیس کی مزید سماعت 6 فروری تک ملتوی کرتے ہوئے زرتاج گل اور خیال احمد کاسترو پر فرد جرم عائد کی۔

ذہن نشین رہے کہ یہ مقدمہ تھانہ سول لائن کے علاقے میں درج کیا گیا تھا، جہاں پولیس وین کو نذر آتش کیا گیا اور شدید توڑ پھوڑ کی گئی۔پاکستان تحریک انصاف (پی ٹی آئی) رہنماؤں کیخلاف یہ کارروائی 9 مئی کے واقعات کے بعد کی گئی تھی، جس کے دوران پورے ملک میں جلاؤ گھیراؤ کی کارروائیاں کی گئی تھیں۔

مقدمے میں فرد جرم عائد ہونے کے بعد دونوں رہنماؤں کی گرفتاری کا امکان بھی ظاہر کیا جا رہا تھا۔

دوسری جانب عوامی سطح پر اس معاملے کو لے کر مختلف ردعمل سامنے آ رہے ہیں، اور سیاسی حلقوں میں اس کیس سے متعلق بات چیت کی جارہی ہے۔