بیرسٹرگوہر نے اپنے خطاب میں کہا کہ میں آج کےاداس دن پر پاکستانی عوام اور اداروں سے مخاطب ہوں،پی ٹی آئی ایک پرامن جمہوری سوچ رکھنے والی جماعت ہے، ہم جمہوری سوچ رکھتے ہیں اس لئے کسی کو تحریب کار اور قاتل لیگ نہیں کہا، ہم سچ پر یقین رکھتے ہیں برادران یوسف کب تک جھوٹ بولیں گے، ذمہ داران بتائیں گے کہ ہمارے احتجاج کے لئے سزائے موت کیوں؟
انہوں نے مزدی کہا کہ بنیادی حق کا استعمال کرنا ہمارا حق تھا، ہمارے مطالبات کے لئے تحریک جاری رہے گی، آئندہ کا لائحہ عمل بانی پی ٹی آئی سے مشاورت سے دوں گا۔
پی ٹی آئی ارکان اسمبلی سے متعلق بات کرتے ہوئے انہوں نے کہا کہ ہمارے ارکان اسمبلی بانی پی ٹی آئی اور نظریے کے ساتھ تھے، دھرنے میں کسی قیادت کو کنٹینر پہنچنے کا نہیں کہا، ہمارے ایم این ایز نے قربانیاں دیں، وزارتیں ٹھکرائی ہیں، ہمارے قیادت پر تنقید کا مقصد اصل معاملے سے توجہ ہٹانا ہے۔
بشریٰ بی بی سے متعلق بات کرتے ہوئے انہوں نے کہا کہ بشریٰ بی بی کا کوئی سیاسی رول نہیں، بشری بی بی نے خود احتجاج میں شرکت کی حامی بھری، گولی نہیں چلنی چاہیے تھی، تحریک انصاف ایک ذمہ دار جماعت ہے،شہداء کی تعداد سے متعلق سینکڑوں کے اعدادو شمار کو ہم نے اون نہیں کیا۔
انہوں نے پارٹی سیاست پر مزید کہا کہ تحریک انصاف الگ اور خیبر پختوانخواہ حکومت دو الگ جماعتیں ہیں، خان صاحب کی بات ہمشہ معنی رکھتی ہے۔
بیرسٹر گوہر کا مزید کہنا تھا کہ جو پی ٹی آئی کو کمزور کرنے کی کوشش میں غلط خبریں پھیلاتے ہیں، سلمان اکرم راجہ کا استعفیٰ ابھی منظور نہیں ہوا۔
