تفصیلات کے مطابق شمالی بلوچستان میں موسم سرما کی پہلی برسات ہوئی جبکہ پہاڑوں پر برف باری کا سلسلہ 2 دسمبر تک جاری رہنے کا امکان ہے۔ گلستان، شیلا باغ، توبہ کاکڑی، پشین، خانوزئی، برشور، کان مہترزئی، توبہ اچکزئی، چمن اور پاک افغان سرحدی علاقوں میں موسلادھار بارش سے نشیبی علاقے زیرِ آب آگئے۔

پاک افغان سرحدی علاقے بارش برسانے والے سسٹم کے زیرِ اثر ہیں۔ آج سے 2 دسمبر تک اسلام آباد، مری، گلیات، خطہ پوٹھوہار میں ہلکی بارش اور بوندا باندی کا امکان ہے۔ گوجرانوالہ، گجرات، فیصل آباد اور سرگودھا میں بھی ہلکی سے درمیانی بارش کی پیش گوئی کی گئی ہے۔ بارش کے بعد پنجاب کے علاقوں میں فضائی آلودگی میں مزید کمی متوقع ہے۔

محکمہ موسمیات کے مطابق پنجاب میں اسموگ کی صورتحال بہتر ہونے لگی، آلودہ شہروں میں ملتان کا آج پہلا نمبر ہے۔ صبح سویرے ایئرکوالٹی انڈکس دو سو باہتر تک پہنچ گیا۔ خیبرپختونخوا کا دوسرا نمبرجہاں اے کیو آئی دو سو تین ریکارڈ کی گیا جبکہ اے کیو آئی دو سو سولہ کے ساتھ لاہور کا تیسرا نمبر ہے۔