محکمہ موسمیات کے مطابق آج رات ملک کے بیشتر علاقوں میں موسم سرد اور خشک رہنے کا امکان ہے، تاہم شمالی یا جنوبی بلوچستان اور جنوبی خیبر پختونخوا میں مطلع جزوی ابر آلود رہنے کے علاوہ چند مقامات پر تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے، پنجاب کے چند میدانی علاقوں اور بالائی سندھ میں رات کے اوقات میں سموگ اور دُھند چھائےرہنے کی توقع ہے۔

محکمہ موسمیات کا مزید کہنا ہے کہ (کل) جمعه کے روز خیبر پختونخوا، بلوچستان، کشمیر اور گلگت بلتستان میں مطلع ابر آلود رہنے کے علاوہ تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے، شام یا رات میں بالائی پنجاب، اسلام آباد، مری اور گلیات میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ چند مقامات پر ہلکی سے درمیانی بارش کی توقع ہے۔

ملک کے دیگر علاقوں میں موسم سرد اور خشک رہنے کا امکان ہے، پنجاب کے چند میدانی علاقوں اور بالائی سندھ میں صبح اور رات کے اوقات میں سموگ اور دُھند چھائےرہنے کی توقع ہے۔

اسلام آباد:

محکمہ موسمیات کے مطابق اسلام آباد اور گردونواح میں مطلع جزوی ابر آلود رہنے کے علاوہ شام یا رات کے اوقات میں تیز ہواؤں اور گرج چمک کے ساتھ ہلکی بارش کا امکان ہے۔

پنجاب:

صوبہ پنجاب کے بیشتر اضلاع میں موسم سرد اورخشک رہنے کا امکان ہے، تاہم شام یا رات میں مطلع جزوی ابر آلود رہنے کے علاوہ مری، گلیات، راولپنڈی، اٹک، چکوال، جہلم ،میانوالی، بھکر ،لیہ ، حافظ آباد، جھنگ، فیصل آباد، سرگودھا، نورپور تھل، گوجرانوالہ، گجرات اور ڈیرہ غازی خان میں تیز ہواؤں اور گرج چمک کے ساتھ چند مقامات پر ہلکی سے درمیانی بارش کی توقع ہے، صبح اور رات کے اوقات میں سیالکوٹ، نارووال، گوجرانوالہ، گجرات، لاہور، شیخوپورہ، قصور، اوکاڑہ، حافظ آباد، جھنگ، فیصل آباد، بہاولپور، ملتان، ساہیوال، خانیوال، رحیم یار خان اور گردونواح میں سموگ اور دُ ھند چھا ئےرہنے کی توقع ہے۔

خیبرپختونخوا:

صوبہ خیبرپختونخوا کے بیشتر اضلاع میں مطلع ابر آلود رہنے کے علاوہ چترال، دیر، سوات، مالاکنڈ، مانسہرہ، ایبٹ آباد، کوہستان،پشاور، مردان، نوشہرہ، کرم، اورکزئی، مہمند، خیبر، کوہاٹ، ہنگو، بنوں، لکی مروت، کرک، ڈی آئی خان اور وزیرستان میں تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے۔

سندھ:

صوبہ سندھ کے بیشتر اضلاع میں موسم خشک رہنے کا امکان ہے، تاہم صبح یا رات کے اوقات میں کشمور، سکھر، جیکب آباد، ٹنڈو جام اور گردونواح میں سموگ اور دُ ھند چھا ئےرہنے کی توقع ہے۔

بلوچستان:

صوبہ بلوچستان کے بیشتر اضلاع میں مطلع ابر آلود رہنے کے علاوہ کوئٹہ، پشین، قلعہ سیف اللہ، ژوب، شیرانی، موسیٰ خیل، سبی، بارکھان، زیارت، لورالائی، چاغی، خاران، گوادر، کیچ، پنجگور، آواران، قلات، خضداراورلسبیلہ میں تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے۔

کشمیر اور گلگت بلتستان:

کشمیر میں مطلع ابر آلود رہنے کے علاوہ تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے، گلگت بلتستان میں مطلع ابر آلود رہنے کے علاوہ تیز ہواؤں اور گرج چمک کے ساتھ بارش اور پہاڑوں پر برفباری کی توقع ہے۔

گذشتہ 24 گھنٹے کا موسم:

گزشتہ 24 گھنٹوں کے دوران ملک کے بیشتر علاقوں میں موسم سرد اور خشک رہا، پنجاب کے چند میدانی علاقے اور بالائی سندھ سموگ اور دُھند کی لپیٹ میں رہے۔

آج ریکارڈکئے گئے کم سےکم درجہ حرارت:

آج لہہ میں منفی09، اسکردو میں منفی 07، استور، گلگت اور گوپس میں منفی 04، ہنزہ اور کالام میں منفی 02 اور دیرمیں منفی ایک ڈگری سینٹی گریڈ ریکارڈ کیا گیا۔