چیف الیکشن کمشنر سردار سکندر سلطان راجہ نے فارمز کی تصدیق کرنے کے عمل کی منظوری دے دی۔ جاری کردہ نوٹیفیکیشن کے مطابق این اے 1 سے 266 تک فارمز کی تصدیق کے ٹیم لیڈر محمد ناصر خان ہوںگے، پی کے 1 سے 115، پی پی 1 سے297، پی ایس 1 سے 120 اور پی بی 1 سے51 تک کےٹیم لیڈر کاشف عباس ملک ہوں گے۔
نوٹیفیکشن کے مطابق وقاص ملک تصدیق کے عمل لے لیے سپروائزر مقرر کر دیئے گئے، فارمز کی تصدیق کے انچارچ سید ندیم حیدر ہوں گے، ٹیمز پولنگ اسٹیشن کی لسٹ کے مطابق اپ لوڈ کیے گئے فارم 45 اور 46 کی تصدیق کریں گی، ٹیمز مسنگ فارم 45 اور 46 کی نشاندہی کریں گی۔
جاری کردہ نوٹیفیکشن میں مزید کہا گیا کہ مسنگ فارم 45 اور 46 کی تفصیلات تیار کی جائیں گی، ٹیمز ان فارمز کی شناخت کریں گی جو پڑھنے کے قابل نہیں، ٹیمز اس کی بھی تصدیق کریں گی کہ تمام فارم 47، 48 اور 49 اپ لوڈ کیے گئے، ٹیمز کو اپنا کام 7 روز میں مکمل کرنے کی ذمہ داری سونپ دی گئی۔
