پنجاب کے اساتذہ کے لیے بڑی خوشخبری

July, 31 2024

پنجاب کے اساتذہ کے لیے بڑی خوشخبری آئی ہے۔ وزیر تعلیم رانا سکندر نے اعلان کیا ہے کہ اساتذہ کے لیے ای ٹرانسفر پالیسی کو کابینہ سے منظوری مل گئی ہے۔

اس نئی پالیسی کی منظوری سے بالخصوص خواتین اساتذہ کو درپیش مشکلات میں کمی ہوگی۔

وزیر تعلیم نے کہا کہ ای ٹرانسفر پالیسی میں ہارڈ شپ، جنرل ٹرانسفر سمیت دیگر اہم پہلو مدنظر رکھے گئے ہیں۔ ویڈ لاک، بیوہ، طلاق یافتہ، سپیشل اور دیگر اہم کیسز کو بھی اس پالیسی میں شامل کیا گیا ہے۔

انہوں نے مزید کہا کہ نئی ای ٹرانسفر پالیسی کے نفاذ سے منصفانہ اور شفاف طریقے سے تبادلے یقینی بنائے جائیں گے۔ یکساں اور میرٹ پر مبنی جامع پالیسی تشکیل دینے کی کوشش کی گئی ہے۔

وزیر تعلیم رانا سکندر نے پنجاب کی تاریخ کی پہلی ای ٹرانسفر پالیسی کی منظوری پر وزیر اعلیٰ پنجاب اور کابینہ کا شکریہ ادا کیا۔

اس پالیسی کی منظوری سے اساتذہ کے لیے تبادلوں کا عمل نا صرف آسان ہوگا بلکہ ان کی زندگیوں میں بھی بہتری آئے گی۔