ذرائع کے مطابق امجد زبیر ٹوانہ نے عہدے سے سبکدوشی کے لیے 2 ہفتوں کا نوٹس دے دیا۔ گریڈ 21 کے ان لینڈ ریونیو سروس کے افسر کو 25 فروری 2025 کو ریٹائر ہونا تھا۔
امجد زبیر ٹوانہ نے حکومت کو قبل از وقت ریٹائرمنٹ کے لیے مراسلہ بھجوا دیا۔ مراسلے کے متن میں کہا گیا ہے کہ اپنا عہدہ چھوڑنا ہے اور وقت سے پہلے ریٹائرمنٹ لینا چاہتا ہوں، امجد زبیر ٹوانہ نے وزیرِ مملکت احد چیمہ کو بھی زبانی طور پر آگاہ کر دیا تھا۔
ذرائع کے مطابق امجد زبیر ٹوانہ نے خود وزیراعظم سیکرٹریٹ کو استعفی دیا۔ استعفی سے قبل امجدزبیرٹوانہ نے 2 سے زائد کابینہ ممبران سے مشورہ بھی کیا۔ کابینہ ممبران نے بھی امجد زبیر ٹوانہ کو استعفی دینے کا کہا۔
وزیراعظم شہباز شریف امجد زبیر ٹوانہ کی ن لیگ میں مضبوط سپورٹ کی وجہ سے ان کو عہدے سے ہٹا نہیں سکتے تھے۔ ایف بی آر کے سینئر افسران بھی امجد زبیر ٹوانہ کے ساتھ تعاون نہیں کرتے تھے۔
ایف بی آر میں اس وقت 21 سے زائد ایسے افسران موجود ہیں جو امجد زبیر ٹوانہ سے سینئر ہیں۔ امجد زبیر ٹوانہ کو چیئرمین ایف بی آر وزیر خزانہ اسحاق ڈار نے تعینات کیا تھا۔
