وزیر اعظم شہباز شریف کی زیر صدارت کابینہ کا اجلاس ہوا جس میں وزارت ہاوسنگ اینڈ ورکس نے پی ڈبلیو ڈی کی کارکردگی پر تفصیلی بریفنگ دی۔

وفاقی کابینہ اجلاس میں مختلف اپیلوں میں وفاقی سروس ٹربیونل کے مختلف فیصلوں پر عملدرآمد کی منظوری دی گئی۔ کنگ حماد یونیورسٹی آف نرسنگ اینڈ ایسو سی ایٹڈ میڈیکل سائنسز بل منظور کیا گیا۔

وفاقی کابینہ نے فیڈرل لاج دوئم کی پشاور سے الیکشن کمیشن آف پاکستان منتقلی کی منظوری دے دی۔ فیڈرل گورنمنٹ ایمپلائز ہاؤسنگ سوسائٹی کو پانچ سال کے لئے انکم ٹیکس سے مستثنیٰ قرار دئے جانے کی منظوری دی گئی۔

 چینی شہریوں کی حفاظت پر کوئی سمجھوتہ نہیں ہوگا: وزیر داخلہ

کابینہ میں پاک پی ڈبلیو ڈی کو بند کرنے کی حتمی منظوری دے دی گئی۔ ان لینڈ ریونیو کے اپیلیٹ ٹریبیونل کے مختلف بینچز میں اکاؤنٹنٹ ارکان کی تعیناتی کی منظوری لی گئی۔ پیکا ایکٹ 2016 کے تحت پریزائڈنگ افسران مقرر کرنے کی منظوری دے دی گئی۔

قومی کونسل برائے ہومیو پیتھی کے منتظم کی تعیناتی کی منظوری دی گئی۔ وفاقی کابینہ اجلاس میں بہاولپور میڈیکل کالج کی منظوری منسوخ کرنے کا فیصلہ کیا گیا۔ ٹی وی ، ریڈیو اور پرنٹ میڈیا میں ادویات کی تشہیر کی منظوری دے دی گئی۔

کابینہ اجلاس میں افغان مہاجرین کے پروف آف رجسٹریشن کارڈ کی مدت میں توسیع کر دی گئی۔ 27 جون کو منعقدہ اقتصادی رابطہ کمیٹی کے فیصلوں کی توثیق بھی کر دی گئی۔