معروف سوشل میڈیا انفلوئنسر جان کی بازی ہار گئیں
تفصیلات کے مطابق اولیویا ہیلسنکی کے ایک نجی بیوٹی کلینک میں کاسمیٹک طریقۂ کار کروا رہی تھیں، انہیں بے ہوشی کی دوا دیے جانے کے فوراً بعد ہوش نہیں آیا اور ان کی حالت بگڑ گئی۔
تشویش ناک صورتحال کے پیش نظر انہیں فوری طور پر قریبی ہسپتال منتقل کیا گیا، تاہم ڈاکٹر انہیں بچانے میں کامیاب نہ ہوسکے اور ان کی موت کی تصدیق کردی گئی۔
اولیویا کے والدین نے بھی بیٹی کے انتقال کی تصدیق کر دی ہے اور کہا کہ اولیویا کو بے ہوشی کی دوا دینے کے بعد ہسپتال میں زیرِ علاج رکھا گیا، جہاں بالآخر وہ دم توڑ گئیں۔
یہ بھی پڑھیں: عثمان پیرزادہ اور حمیرا بانو کی شادی؟ حقیقت جانیے
والدین نے شبہ ظاہر کیا ہے کہ کاسمیٹک سرجری کے دوران بیوٹی کلینک کے عملے سے کوئی سنگین غلطی ہوئی، جس کے نتیجے میں ان کی بیٹی کی حالت بگڑی اور موت واقع ہوئی۔
ہیلسنکی پولیس کے مطابق اولیویا کی موت کے تین دن بعد واقعے کی تحقیقات کے لیے باقاعدہ درخواست موصول ہوئی۔
پولیس نے اس کے بعد ممکنہ جرم اور غفلت سمیت مختلف پہلوؤں کو سامنے رکھتے ہوئے تحقیقات شروع کردی ہیں، تاہم حکام کا کہنا ہے کہ تفتیش ابھی ابتدائی مرحلے میں ہے۔
