سلمان خان کی نئی تصاویر دیکھ کر مداح تشویش میں مبتلا
حال ہی میں اداکار سلمان خان ممبئی میں ایک تقریب میں بطور مہمان خصوصی شریک ہوئے جس کی ویڈیوز سوشل میڈیا پر تیزی سے وائرل ہو رہی ہیں۔
سوشل میڈیا پر سامنے آنے والی ویڈیو میں دیکھا جا سکتا ہے سلمان خان پہلے کے مقابلے میں انتہائی کمزور اور دبلے پتلے دکھائی دے رہے ہیں۔
وائرل ویڈیو میں سلمان خان کی صحت پر سوالات اٹھائےجا رہے ہیں جبکہ مداح بھی انہیں اس حالت میں دیکھ کر تشویش کا اظہار کرتے دکھائے دے رہے ہیں۔
ایک صارف نے لکھا، ”وہ بیمار لگ رہے ہیں، اللہ انہیں صحت دے،“ ایک اور مداح نے کہا، ”لگتا ہے انہیں صحت کا کوئی مسئلہ درپیش ہے،“ جبکہ ایک صارف نے جذباتی انداز میں سوال کیا، ”میرے کنگ کو کیا ہو گیا؟“۔
بعض مداحوں کو تو ابتدا میں یقین ہی نہیں آیا کہ ویڈیوز میں نظر آنے والی شخصیت سلمان خان ہیں، ایک صارف نے لکھا، ”میں نے پہلے پہل انہیں پہچانا ہی نہیں، پھر ان کے محافظ شیرا کو دیکھا تو یقین آیا کہ یہ سلمان خان ہی ہیں،“ ایک اور مداح نے کہا، ”کیا سلمان خان خیریت سے ہیں؟۔
