سوہائے علی ابڑو کی شوہر سے علیحدگی کی افواہوں کی تردید
رپورٹ کے مطابق گزشتہ کچھ عرصہ سے سوشل میڈیا پر اداکارہ سوہائے علی ابڑو کی شوہر سے علیحدگی بارے خبریں زیر گردش تھیں اب تاہم اداکارہ نے اپنے حالیہ انسٹاگرام پوسٹ کے ذریعے ان خبروں کی تردید کر دی ہے۔
فوٹو اینڈ ویڈیو شیئرنگ ایپ انسٹاگرام پر ادکارہ سوہائے علی ابڑو نے اپنی نئی پوسٹ میں شوہر اور بیٹی کے ہمراہ بیتائے گئے خوشگوار لمحات کی تصاویر شیئر کیں جن میں تینوں ایک خوش و خرم خاندان کے طور پر نظر آئے۔
پوسٹ کے کیپشن میں اداکارہ نے اپنے شوہر کو ’’بہترین والد‘‘ اور ایک ’’خاص انسان‘‘ قرار دیتے ہوئے ان کے لیے محبت بھرے جذبات کا اظہار بھی کیا۔
اداکارہ کی پوسٹ سامنے آنے کے بعد سوشل میڈیا پر پھیلنے والی علیحدگی کی افواہیں دم توڑ گئیں جبکہ مداحوں کی جانب سے اس جوڑے کے لیے نیک تمناؤں اور محبت بھرے پیغامات کا اظہار کیا جا رہا ہے۔
یہ بھی پڑھیں: بھارتی نژاد برطانوی فلم ساز سائرس پٹیل نے اسلام قبول کر لیا
واضح رہے کہ سوہائے علی ابڑو نے مارچ 2021 سابق کرکٹر سلیم محمد کے بیٹے شہزار محمد سے رشتہ ازدواج میں منسلک ہوئی تھیں اور اس جوڑے کی ایک بیٹی بھی ہے۔
شادی کے بعد اداکارہ نے کچھ عرصہ کے لیے شوبز سرگرمیوں سے کنارہ کر لیا تھا، تاہم 2024 میں انہوں نے ڈرامہ "جینٹلمین" کے ذریعے دوبارہ پردہ سکرین پر واپسی کی تھی اور وہ اس وقت مختلف ٹی وی ڈراموں اور شوبز منصوبوں میں مصروف ہیں۔
