ثاقب چدھڑ ہم پر لگائے گئے الزامات ثابت کریں: رمشا اقبال
لاہور میں میڈیا سے گفتگو کرتے ہوئے اداکارہ مومنہ اقبال کی بہن رمشا اقبال کا کہنا تھا کہ سب سے پہلے مومنہ اقبال کے نکاح کی سب کو مبارک دیتی ہوں، ہمارے لیے کامیابی ہے کہ این سی سی اے نے رکن صوبائی اسمبلی کے خلاف ایف آئی آر درج کر لی ہے۔
انہوں نے کہا کہ این سی سی اے میں ایف آئی آر درج ہونا کوئی عام بات نہیں ہے، میں وزیراعلیٰ پنجاب مریم نواز کا شکریہ ادا کرنا چاہتی ہوں جنہوں نے غیر جانبدار کارروائی کے احکامات دیے۔
رمشا اقبال کا کہنا تھا کہ میں نے میڈیا میں آکر کوئی بھی ایسی بات نہیں کی جو ہم ثابت نہ کر سکیں، اب این سی سی اے نے ثابت کر دیا ہمارے الزام سچ ہیں، اب سوموار کو ایک نئی درخواست جمع کرواؤں گی۔
یہ بھی پڑھیں: مومنہ اقبال کو قتل کی دھمکیاں، اداکارہ کا کارروائی کا مطالبہ
اداکارہ کی بہن نے کہا کہ میں ہرگز پیچھے نہیں ہٹوں گی اور ثاقب چدھڑ نے جو الزامات ہم پر لگائے ہیں این سی سی آئی میں وہ ثابت کریں، ثاقب اب کروڑوں روپے ثابت کرے ہم ان کو پیسے واپس دینا چاہتے ہیں۔
ان کا مزید کہنا تھا کہ ثاقب چدھڑ نے مومنہ کو دھمکیاں دیں کہ نکاح نہیں کرنا ورنہ قتل کروا دوں گا، ثاقب چدھڑ نے دھمکی آمیز وائس نوٹ مجھے اور مومنہ کو بھیجا۔
