بھارتی میڈیا رپورٹس کے مطابق دیویانکا سروہی کو اچانک طبیعت خراب ہونے پر فوری طبی امداد فراہم کرنے کی کوشش کی گئی، تاہم وہ جانبر نہ ہو سکیں۔
ان کی اچانک موت نے ان کے چاہنے والوں کو غمزدہ کر دیا ہے، جو سوشل میڈیا پر ان کیلئے تعزیتی پیغامات اور دعائیں شیئر کر رہے ہیں۔
واضح ہے کہ دیویانکا سروہی ہریانوی انڈسٹری کی ابھرتی ہوئی اداکارہ تھیں اور انہوں نے اپنے مختصر کیریئر میں 50 سے زائد میوزک ویڈیوز میں کام کیا۔ انہوں نے معروف گلوکار معصوم شرما کے ساتھ بھی کئی کامیاب پروجیکٹس کیے، جنہیں مداحوں کی جانب سے بے حد پسند کیا گیا۔
ان کے مقبول گانوں میں چورا جاٹاکا، جھیل سی آنکھ، بٹیو ہریانے تی اور گینگسٹر کی جان شامل ہیں، جنہوں نے انہیں شہرت کی بلندیوں تک پہنچایا، ان کے انداز اور اداکاری کو مداحوں نے ہمیشہ سراہا۔
یہ بھی پڑھیں:نوجوان ٹک ٹاکر گولی لگنے سے جاں بحق
اداکارہ کی اچانک وفات نے نہ صرف ان کے خاندان بلکہ پوری شوبز انڈسٹری کو سوگوار کر دیا ہے۔ مداحوں کا کہنا ہے کہ دیویانکا سروہی کی کمی ہمیشہ محسوس کی جائے گی، جبکہ ان کے کام کو طویل عرصے تک یاد رکھا جائے گا۔
