ڈاکٹر نبیحہ نے کہا کہ وہ مجبوراﹰ وضاحتی ویڈیو بنا رہی ہیں کیونکہ سوشل میڈیا پر مختلف قسم کے تبصرے کیے جا رہے ہیں۔ انہوں نے اپنے حق میں بولنے والوں کا شکریہ ادا کرتے ہوئے کہا کہ براہِ کرم ان کے شوہر کے خلاف نامناسب گفتگو نہ کی جائے۔

انہوں نے کہا، "میں پہلے ہی بہت پریشان ہوں، میری ذاتی زندگی پر تبصرے نہ کریں اور جلتی پر نمک نہ چھڑکیں۔ یہ معاملہ میرے اور میرے رب کے درمیان ہے۔"

میں مجبوراً ویڈیو بنا رہی ہوں کیونکہ لوگ تبصرے کررہے ہیں۔ جو میرے حق میں بول رہے ہیں وہ بھی میرے شوہر کی برائی نہ کریں۔ آپ کی بڑی مہربانی ہے میری ذاتی زندگی پر تبصرے نہ کریں، میں پہلے ہی بہت پریشان ہوں، آپ جلتی پر نمک نہ چھڑکیں، یہ سب میرے اور میرے رب کے درمیان ہے، ڈاکٹر نبیجہ pic.twitter.com/QH3BTFWeG1

— Rizwan Ghilzai (Remembering Arshad Sharif) (@rizwanghilzai) February 24, 2026

یہ بھی پڑھیں: رمضان پیکج: 12500 کیسے حاصل کیا جاسکتا ہے؟

یاد رہے کہ ڈاکٹر نبیحہ نے حال ہی میں سنو نیوز کی رمضان ٹرانسمیشن میں شرکت کے دوران اپنے ازدواجی زندگی سے متعلق گفتگو کی تھی۔ پروگرام میں گفتگو کرتے ہوئے انہوں نے کہا تھا کہ وہ اپنا گھر بسانا چاہتی ہیں اور بڑے شوق سے اپنا گھر بنایا ہے۔ ان کا کہنا تھا کہ انہوں نے کئی رشتے ٹھکرا کر یہ فیصلہ کیا۔

انہوں نے عمر کے فرق سے متعلق چلنے والی خبروں کو بھی مسترد کرتے ہوئے کہا کہ ان کے اور ان کے شوہر کے درمیان محض تین سے چار سال کا فرق ہے، تاہم سوشل میڈیا پر اس معاملے کو بڑھا چڑھا کر پیش کیا جا رہا ہے۔