درخواست شہری وسیم زوار کی جانب سے مجدد باجوہ ایڈووکیٹ کے ذریعے دائر کی گئی، جس میں مؤقف اختیار کیا گیا ہے کہ صبا قمر نے ایک ویڈیو میں ایس پی کی وردی پہن کر قانون کی خلاف ورزی کی۔

یہ بھی پڑھیں: معروف یوٹیوبر کی گھر سے لاش برآمد

درخواست گزار کے مطابق پولیس کی وردی پہننا قانوناً ممنوع ہے اور اس عمل سے نہ صرف پنجاب پولیس کا مورال متاثر ہوا بلکہ ادارے کی ساکھ کو بھی نقصان پہنچا۔ درخواست میں کہا گیا کہ اس معاملے پر پولیس کو آگاہ کیا گیا تاہم تاحال کوئی کارروائی عمل میں نہیں لائی گئی۔

سیشن عدالت نے درخواست پر ابتدائی سماعت کے بعد تھانہ پرانی انارکلی سے رپورٹ طلب کر لی، جبکہ استدعا کی گئی کہ عدالت اداکارہ صبا قمر کے خلاف مقدمہ درج کرنے کا حکم دے۔

عدالت کی جانب سے آئندہ سماعت پر پولیس رپورٹ پیش کیے جانے کے بعد مزید کارروائی متوقع ہے۔