لوکل میڈٰیا کے مطابق بھارتی اداکارہ نور مالابیکا کو آخری بار ڈزنی پلس ہاٹ اسٹار سیریز 'دی ٹرائل' میں کاجول کیساتھ اداکاری کرتے دیکھا گیا تھا۔
بھارتی اداکارہ نورمالابیکا داس نے 6 جون کو ممبئی شہر میں اپنے فلیٹ میں خودکشی کی، اداکارہ کی خودکشی کا تب پتہ چلا جب ہمسایوں نے 4 روز بعد اداکارہ کے اپارٹمنٹ سے آنے والی بدوبو کی شکایت کی، پولیس نے جب اپارٹمنٹ کھولا تو انہیں اداکارہ کی خودکشی کا پتہ چلا۔
پولیس اہلکار ہمسایوں کی شکایت پر اداکارہ نورمالابیکا داس کے اپارٹمنٹ پہنچی جہاں انہیں اداکارہ کی پنکھے سے جھولتی لاش ملی جس کو پوسٹ مارٹم کیلئے اسپتال منتقل کیا گیا۔
بھارتی اداکارہ نور مالابیکا اس فلیٹ میں کرائے پر رہتی تھیں، اداکارہ کا تعلق بھارتی شہر آسام سے تھا، فلم انڈسٹری میں آنے سے قبل اداکارہ قطر ایئرویز میں بطور ایئرہوسٹس بھی کام کرچکی تھیں۔
بھارتی اداکارہ کی خودکشی کے بعد انکی آخری رسومات میں کوئی بھی فیملی ممبر نہیں آیا، انکی فیملی مئی تک انکے ساتھ اسی فلیٹ میں رہتی تھی لیکن کچھ روز قبل ہی وہ لوگ اپنے گاؤں واپس چلے گئے تھے۔
ممبئی پولیس نے بھارتی اداکارہ کی خودکشی پر بیان جاری کیا ہے کہ واقعے کی تفتیش کی جائے گی اور اداکارہ کے فیلمی ممبرز سے بھی بات چیت کی گئی ہے۔
بھارتی اداکارہ نورمالابیکا نے چند فلموں اور ویب سیریز میں اپنی اداکاری کے جوہر دکھائے، سسکیاں، تکھی چٹنی، جگھنیا اپایا، دیکھی ان دیکھی اور مختلف سیریز میں وہ کام کرچکی ہیں۔
