سونا مہنگا، چاندی سستی، نئی قیمتیں سامنے آگئیں

عالمی مارکیٹ میں سونے کی قیمت 6 ڈالر اضافے کے بعد 4 ہزار 125 ڈالر فی اونس پر پہنچ گئی۔

مقامی صرافہ مارکیٹ میں بھی سونے کی قیمت میں اضافہ ہوا، جہاں ایک تولہ 24 کیرٹ سونا 600 روپے مہنگا ہوکر 4 لاکھ 35 ہزار 36 روپے کا ہوگیا۔

یہ بھی پڑھیں: بجلی ایک روپے 11 پیسے فی یونٹ مہنگی

اسی طرح 10 گرام سونے کی قیمت میں 515 روپے کا اضافہ ریکارڈ کیا گیا، جس کے بعد نئی قیمت 3 لاکھ 72 ہزار 973 روپے ہوگئی۔

دوسری جانب چاندی کی قیمت میں کمی ہوئی ہے۔ ایک تولہ چاندی 120 روپے سستی ہوکر 6 ہزار 368 روپے پر آگئی۔

واضح رہے کہ گزشتہ روز عالمی اور مقامی مارکیٹ میں سونے کی قیمت میں نمایاں کمی ریکارڈ کی گئی تھی۔ آل پاکستان صرافہ ایسوسی ایشن کے مطابق 24 کیرٹ فی تولہ سونا 3 ہزار 100 روپے سستا ہوکر 4 لاکھ 34 ہزار 436 روپے پر آگیا تھا، جبکہ 10 گرام سونے کی قیمت 2 ہزار 658 روپے کمی کے بعد 3 لاکھ 72 ہزار 458 روپے ہوگئی تھی۔