ایل پی جی کی قیمت میں بڑا اضافہ، گھریلو سلنڈر بھی مہنگا ہوگیا
گھریلو سلنڈر بھی مہنگا ہوگیا/فائل فوٹو
Updated | Published September, 30 2026 |
اسلام آباد (ویب ڈیسک) آئل اینڈ گیس ریگولیٹری اتھارٹی (اوگرا) نے اکتوبر کے لیے ایل پی جی کی قیمت میں بڑا اضافہ کردیا ہے، جس کے بعد گھریلو صارفین کے لیے ایل پی جی مزید مہنگی ہوگئی۔
اوگرا کی جانب سے جاری نوٹیفکیشن کے مطابق ایل پی جی کی فی کلوگرام قیمت میں 20 روپے 68 پیسے کا اضافہ کیا گیا ہے۔
قیمت میں اضافے کے بعد 11.8 کلوگرام کے گھریلو ایل پی جی سلنڈر کی قیمت میں 244 روپے 14 پیسے کا اضافہ ہوگیا، جس کے بعد اس کی نئی قیمت 3 ہزار 296 روپے 23 پیسے مقرر کردی گئی ہے۔
یہ بھی پڑھیں: عالمی منڈی میں خام تیل کی قیمتوں میں بڑا اضافہ
اوگرا کے مطابق ایل پی جی کی نئی قیمتوں کا تعین اکتوبر 2026 کے لیے کیا گیا ہے۔
قیمت میں اضافے کے بعد ایل پی جی استعمال کرنے والے گھریلو صارفین کو اکتوبر میں اضافی اخراجات کا سامنا کرنا پڑے گا۔