سونے کی قیمت میں مسلسل کمی کے بعد بڑا اضافہ

پاکستان میں فی تولہ سونا 4 ہزار 300 روپے مہنگا ہوکر 4 لاکھ 41 ہزار 636 روپے کا ہوگیا، اسی طرح 10 گرام سونے کی قیمت میں بھی 3 ہزار 686 روپے کا اضافہ ہوا، جس کے بعد 10 گرام سونے کی قیمت 3 لاکھ 78 ہزار 631 روپے پر پہنچ گئی۔

دوسری جانب عالمی مارکیٹ میں بھی سونے کی قیمت میں نمایاں اضافہ ریکارڈ کیا گیا۔ عالمی مارکیٹ میں سونا 43 ڈالر اضافے کے بعد 4 ہزار 191 ڈالر فی اونس ہوگیا۔

یہ بھی پڑھیں: عالمی منڈی میں خام تیل کی قیمتوں میں بڑا اضافہ

عالمی منڈی میں سونے کی قیمتوں، ڈالر کی قدر اور بین الاقوامی حالات میں آنے والی تبدیلیوں کے باعث پاکستان میں بھی سونے کی قیمتوں میں اتار چڑھاؤ جاری رہنے کا امکان ہے۔

خیال رہے گزشتہ روز ملک میں فی تولہ سونے کی قیمت میں 800 روپے اور 10 گرام سونے کی قیمت میں 686 روپے کی کمی ہوئی تھی۔