پاکستان اسٹاک ایکسچینج میں ہفتہ وار منفی رجحان رہا
پاکستان اسٹاک ایکسچینج کی ہفتہ وار کاروباری رپورٹ کے مطابق رواں ہفتے کے دوران حصص بازار میں سرمایہ کاروں کی جانب سے محتاط رویہ اختیار کیا گیا، جس کے باعث مارکیٹ مجموعی طور پر مندی کی لپیٹ میں رہی۔
ہفتے کے اختتام پر پاکستان اسٹاک ایکسچینج کا 100 انڈیکس 4816 پوائنٹس کی کمی کے بعد 170511 پوائنٹس کی سطح پر بند ہوا۔
کاروباری ہفتے کے دوران 100 انڈیکس 9212 پوائنٹس کے بینڈ میں رہا، اس دوران انڈیکس کی ہفتہ وار بلند ترین سطح 175353 پوائنٹس جبکہ کم ترین سطح 166141 پوائنٹس ریکارڈ کی گئی۔
رپورٹ کے مطابق ایک ہفتے کے دوران حصص بازار میں مجموعی طور پر 3.19 ارب شیئرز کے سودے ہوئے، جن کی مالیت 134.99 ارب روپے رہی۔
دوسری جانب مارکیٹ کیپٹلائزیشن میں بھی نمایاں کمی دیکھی گئی، کاروباری ہفتے کے دوران مارکیٹ کی مجموعی مالیت 613 ارب روپے کم ہوکر 19015 ارب روپے رہ گئی۔
معاشی ماہرین کے مطابق اسٹاک مارکیٹ میں اتار چڑھاؤ کے دوران سرمایہ کاروں کے محتاط رویے نے بھی مارکیٹ کے رجحان کو متاثر کیا، ہفتہ وار بنیادوں پر انڈیکس میں کمی کے باعث سرمایہ کاروں کو مجموعی طور پر دباؤ کا سامنا رہا۔
یہ بھی پڑھیں:مرغی اور انڈوں کی قیمتیں آسمان پر پہنچ گئیں
پاکستان اسٹاک ایکسچینج میں آئندہ کاروباری ہفتے کے دوران سرمایہ کاروں کی نظریں مارکیٹ کے رجحان اور اہم معاشی پیش رفت پر مرکوز رہیں گی۔
