ملک میں سونے کی قیمت میں کمی کا سلسلہ جاری
ایسوسی ایشن کے مطابق 10 گرام سونے کی قیمت میں 857 روپے کی کمی ریکارڈ کی گئی، جس کے بعد 10 گرام سونا 3 لاکھ 96 ہزار 207 روپے کا ہوگیا۔
دوسری جانب عالمی مارکیٹ میں بھی سونے کی قیمت میں کمی ہوئی۔ عالمی بازار میں سونا 10 ڈالر سستا ہوکر 4 ہزار 396 ڈالر فی اونس پر آگیا۔
یاد رہے کہ گزشتہ روز بھی سونے کی فی تولہ قیمت میں 2 ہزار 400 روپے کی کمی ریکارڈ کی گئی تھی۔
یہ بھی پڑھیں: نایاب سفید بازکتنے میں نیلام ہوا؟ قیمت نے سب کے ہوش اُڑا دیئے
سونے کی قیمت میں اتار چڑھاؤ کی بڑی وجوہات میں عالمی مارکیٹ میں سونے کے نرخ، امریکی ڈالر کی قدر میں تبدیلی، عالمی معاشی صورتحال میں غیر یقینی اور جغرافیائی کشیدگی شامل ہیں۔
عالمی سطح پر معاشی اور سیاسی غیر یقینی کے دوران سرمایہ کار سونے کو محفوظ سرمایہ کاری سمجھتے ہیں، جس کے باعث اس کی طلب میں اضافہ ہونے سے قیمتیں بڑھ سکتی ہیں۔
اس کے علاوہ عالمی سطح پر شرح سود میں کمی یا مستقبل میں شرح سود کم ہونے کی توقعات بھی سونے کی قیمتوں پر اثر انداز ہوتی ہیں۔ کم شرح سود کے ماحول میں غیر سودی اثاثے کے طور پر سونے کی کشش بڑھ جاتی ہے۔
پاکستان میں عالمی مارکیٹ میں سونے کی قیمت کے ساتھ روپے اور ڈالر کی شرح تبادلہ بھی مقامی صرافہ مارکیٹ میں سونے کے نرخ کے تعین میں اہم کردار ادا کرتی ہے۔
