سونے کی فی تولہ قیمت میں 11300 روپے کی بڑی کمی
آل پاکستان صرافہ ایسوسی ایشن کے مطابق عالمی اور مقامی مارکیٹوں میں سونے کی قیمت میں مسلسل پانچویں روز کمی کا سلسلہ جاری ہے۔ تازہ کمی کے بعد ملک بھر میں 24 کیرٹ فی تولہ سونے کی قیمت 11 ہزار 300 روپے کم ہوکر 4 لاکھ 54 ہزار 36 روپے پر آگئی ہے۔
صرافہ ایسوسی ایشن کے اعداد و شمار کے مطابق 10 گرام سونے کی قیمت میں بھی نمایاں کمی ہوئی، جو 9 ہزار 688 روپے گھٹ کر 3 لاکھ 89 ہزار 262 روپے کی سطح پر آگئی ہے۔
دوسری جانب ملک میں چاندی کی قیمت میں بھی کمی ریکارڈ کی گئی ہے، فی تولہ چاندی کی قیمت 270 روپے کم ہوکر 6 ہزار 859 روپے ہوگئی ہے۔
عالمی مارکیٹ میں بھی سونے کی قیمت میں نمایاں گراوٹ دیکھی گئی، بین الاقوامی منڈی میں فی اونس سونے کی قیمت 113 ڈالر کم ہوکر 4 ہزار 315 ڈالر پر آگئی۔
معاشی ماہرین کا کہنا ہے کہ عالمی سطح پر سونے کی قیمتوں میں ہونے والی تبدیلیوں کا براہ راست اثر مقامی صرافہ مارکیٹ پر پڑتا ہے، جس کے باعث بین الاقوامی قیمت میں کمی کے ساتھ پاکستان میں بھی سونے کے نرخ کم ہوئے ہیں۔
یہ بھی پڑھیں:عالمی منڈی میں خام تیل کی قیمتوں میں بڑا اضافہ
سونے کی قیمت میں مسلسل پانچویں روز کمی کے بعد مقامی مارکیٹ میں زیورات اور سونے کی خرید و فروخت کرنے والے شہریوں کی توجہ بھی قیمتوں میں مزید اتار چڑھاؤ پر مرکوز ہوگئی ہے۔
