بجلی کی قیمت میں بڑے اضافے کی تیاری، 2 روپے 52 پیسے فی یونٹ بڑھانے کی درخواست
نیپرا اعلامیے کے مطابق سی سی پی اے نے درخواست جولائی کی فیول پرائس ایڈجسٹمنٹ کی مد میں دی ہے، جس کے مطابق جولائی میں درآمدی ایل این جی سے فی یونٹ بجلی 47 روپے 37 پیسے میں بنی۔
درخواست میں کہا گیا ہے کہ ایل این جی سے 77 ارب 19 کروڑ روپے کی بجلی پیدا کی گئی، ایل این جی سے 10.78 فیصد بجلی پیدا کی گئی جبکہ جولائی میں فرنس آئل سے 1.42 فیصد بجلی بنائی گئی، فرنس آئل پر فی یونٹ لاگت 50 روپے 7 پیسے رہی۔
سی سی پی اے کی درخواست کے مطابق فرنس آئل سے 10 ارب 77 کروڑ روپے کی بجلی پیدا کی گئی، پانی سے 39.81 فیصد، مقامی کوئلے سے 10.91 فیصد اور درآمدی کوئلے سے 14.38فیصد بجلی بنائی گئی، نیوکلیئر ذرائع سے 10.10 فیصد بجلی پیدا کی گئی، نیوکلیئر ذرائع سے فی یونٹ فیول لاگت 3 روپے 2 پیسے رہی۔
نیپرا میں جمع کرائی گئی درخواست میں کہا گیا ہے کہ جولائی میں ڈیزل سے بھی بجلی پیدا کی گئی، ڈیزل سے 3 کروڑ 10 لاکھ یونٹ بجلی بنائی گئی، ڈیزل سے فی یونٹ لاگت 54 روپے 47 پیسے رہی۔
یہ بھی پڑھیں: سونا کی قیمت میں پھر بڑا اضافہ، فی تولہ کتنے کا ہو گیا؟
نیپرا کے مطابق سی سی پی اے کی درخواست پر سماعت 27 اگست کو ہوگی، منظوری کی صورت میں صارفین پر جی ایس ٹی سمیت 41 ارب روپے کا اضافی بوجھ پڑے گا۔
