عالمی منڈی میں خام تیل کی قیمتیں بڑھ گئیں
ممکنہ سپلائی رکاوٹوں کے خدشات نے سرمایہ کاروں کی توجہ ایک بار پھر عالمی جغرافیائی سیاسی صورتحال کی جانب مبذول کرا دی ہے۔
رپورٹس کے مطابق جمعہ کو 2 بج کر 47 منٹ جی ایم ٹی تک برینٹ خام تیل کے سودے ایک سینٹ یا 0.1 فیصد اضافے کے بعد 87.08 ڈالر فی بیرل پر پہنچ گئے۔ اسی طرح امریکی ویسٹ ٹیکساس انٹرمیڈیٹ خام تیل کی قیمت میں 6 سینٹ کا اضافہ ہوا، جس کے بعد یہ 81.31 ڈالر فی بیرل پر پہنچ گئی۔
دونوں اہم عالمی بینچ مارک رواں ہفتے تقریباً 4 فیصد اضافے کی جانب گامزن ہیں، تاہم گزشتہ روز عالمی منڈی میں خام تیل کی قیمتوں میں 2 فیصد سے زائد کمی ریکارڈ کی گئی تھی۔
معاشی ماہرین کا کہنا ہے کہ تیل کی قیمتوں میں حالیہ اتار چڑھاؤ کی بڑی وجہ مشرق وسطیٰ میں بڑھتی ہوئی کشیدگی اور عالمی سپلائی میں ممکنہ رکاوٹوں کے خدشات ہیں۔ سرمایہ کار خطے میں ہونے والی پیش رفت کو انتہائی قریب سے مانیٹر کر رہے ہیں۔
ریسٹڈ انرجی کی سینئر نائب صدر سوزن بیل کا کہنا ہے کہ خام تیل کے ذخائر سے متعلق منفی اعداد و شمار کے باوجود وسیع تر جغرافیائی سیاسی صورتحال تیل کی قیمتوں میں بڑی کمی کو روک رہی ہے۔
یہ بھی پڑھیں:حکومت نے پیٹرول سستا اور ڈیزل مہنگا کردیا
مارکیٹ ماہرین کے مطابق ایران سے متعلق صورتحال میں مزید شدت آنے کی صورت میں عالمی سطح پر تیل کی سپلائی اور قیمتوں پر دباؤ بڑھ سکتا ہے۔
