سونے اور چاندی کی قیمتوں میں بڑی کمی، خریداروں کیلئے ریلیف

آل پاکستان صرافہ جیولری ایسوسی ایشن کے مطابق فی تولہ سونے کی قیمت 4 ہزار 300 روپے کم ہوکر 4 لاکھ 27 ہزار 436 روپے رہ گئی ہے، جبکہ 10 گرام سونا 3 ہزار 687 روپے سستا ہونے کے بعد 3 لاکھ 66 ہزار 457 روپے کا ہوگیا ہے۔

اسی طرح چاندی کی قیمت میں بھی کمی ریکارڈ کی گئی ہے، فی تولہ چاندی 174 روپے سستی ہوکر 6 ہزار 223 روپے اور 10 گرام چاندی 149 روپے کمی کے بعد 5 ہزار 335 روپے کی سطح پر آگئی ہے۔

یہ بھی پڑھیں: پاکستان اسٹاک ایکسچینج میں مثبت رجحان

دوسری جانب بین الاقوامی بلین مارکیٹ میں فی اونس سونے کی قیمت 43 ڈالر کی کمی کے بعد 4 ہزار 50 ڈالر پر آگئی ہے، جس کے اثرات مقامی مارکیٹ میں بھی دیکھنے میں آئے۔