سونے کی قیمتوں میں بڑی کمی، فی تولہ مزید سستا ہو گیا

آل پاکستان جیمز اینڈ جیولرز ایسوسی ایشن کے مطابق ملکی صرافہ بازاروں میں 24 قیراط کا حامل فی تولہ سونا 3 ہزار 600 روپے سستا ہو گیا، ملکی صرافہ مارکیٹوں میں فی تولہ سونے کی قیمت 4 لاکھ 21 ہزار 836 روپے پر آ گئی۔

جیولرز ایسوسی ایشن کی جانب سے بتایا گیا کہ ملکی صرافہ بازاروں میں 24 قیراط کے حامل 10 گرام سونے کی قیمت میں بھی 3 ہزار 86 روپے کی کمی دیکھنے میں آئی ہے، 10 گرام سونے کی قیمت 3 لاکھ 61 ہزار 656 روپے رہ گئی ہے۔

دوسری جانب عالمی صرافہ بازاروں میں بھی فی اونس سونے کے بھاؤ گر گئے، بین الاقوامی صرافہ مارکیٹوں میں فی اونس سونے کی قیمت میں 36 ڈالر کی کمی دیکھنے میں آئی جس کے بعد عالمی صرافہ منڈی میں فی اونس سونے کا بھاؤ 3 ہزار 994 ڈالر فی اونس رہ گیا۔

یہ بھی پڑھیں: حکومت کی بجلی صارفین پر مزید 200 ارب کا بوجھ ڈالنے کی تیاری

یاد رہے کہ گزشتہ روز ملکی صرافہ بازاروں میں فی تولہ سونے کی قیمتوں میں معمولی اضافہ دیکھنے میں آیا تھا، پاکستانی صرافہ بازاروں میں گزشتہ روز سونا 400 روپے فی تولہ اضافے کے بعد 4 لاکھ 25 ہزار 436 روپے میں ٹریڈ ہوا تھا۔

اسی طرح 10 گرام سونے کی قیمت 343 روپے کے اضافے کے بعد 3 لاکھ 64 ہزار 742 روپے ریکارڈ کی گئی تھی۔