سونا سستا ہوگیا، عالمی اور مقامی مارکیٹوں میں قیمت گر گئی

بین الاقوامی بلین مارکیٹ میں آج پیر کے روز فی اونس سونے کی قیمت 23 ڈالر کم ہو گئی، جس کے نتیجے میں نئی عالمی قیمت 4ہزار 65ڈالر فی اونس کی سطح پر آگئی۔

یہ بھی پڑھیں: امریکہ اور ایران کے حملوں کے بعد عالمی منڈی میں تیل مہنگا

عالمی مارکیٹ کے زیر اثر مقامی صرافہ بازاروں میں آج کاروباری ہفتے کے پہلے دن 24 قیراط کے حامل فی تولہ سونے کی قیمت بھی 2300روپے کی کمی سے 4لاکھ 28ہزار 936روپے کی سطح پر آگئی۔

اسی طرح ملک میں فی 10 گرام سونے کی قیمت 1972روپے گھٹ کر 3لاکھ 67 ہزار 743 روپے کی سطح پر آگئی۔

مقامی سطح پر فی تولہ چاندی کی قیمت 69 روپے کی کمی سے 6 ہزار 324 روپے اور فی 10 گرام چاندی کی قیمت بھی 59 روپے کی کمی سے 5 ہزار 421 روپے کی سطح پر آگئی۔