فیفا ورلڈ کپ: لیونل میسی نے نیا ورلڈ ریکارڈ بنا ڈالا
لیونل میسی نے اردن کے خلاف میچ میں شاندار فری کک پر گول کر کے یہ منفرد عالمی ریکارڈ اپنے نام کیا۔
میچ کے 80ویں منٹ میں میسی نے فری کک پر خوبصورت انداز میں گیند کو جال میں پہنچایا اور ارجنٹینا کی برتری 1-3 کر دی، اسی گول کے ساتھ انہوں نے فرانس کے جسٹ فونٹین اور برازیل کے جائرزینہو کا مسلسل 6 ورلڈکپ میچز میں گول کرنے کا تاریخی ریکارڈ توڑ دیا۔
میسی کے مسلسل گول کرنے کا سلسلہ قطر ورلڈکپ 2022 میں آسٹریلیا کے خلاف ناک آؤٹ میچ سے شروع ہوا تھا، اس کے بعد انہوں نے نیدرلینڈز، کروشیا اور فرانس کے خلاف بھی گول کیے اور ارجنٹینا کو عالمی چیمپئن بنانے میں مرکزی کردار ادا کیا۔
یہ بھی پڑھیں: فیفا ورلڈ کپ، ایران کا ایونٹ میں سفر تمام ہو گیا
فیفا ورلڈکپ 2026 میں بھی میسی کی شاندار فارم برقرار ہے، انہوں نے پہلے الجزائر کے خلاف ہیٹ ٹرک اسکور کی، پھر آسٹریا کے خلاف 2 گول کیے اور اب اردن کے خلاف گول کر کے مسلسل 7 میچز میں گول کرنے کا نیا عالمی ریکارڈ قائم کر دیا۔
اردن کے خلاف گول کے بعد لیونل میسی کے ورلڈکپ میں مجموعی گولز کی تعداد 19 ہو گئی ہے، اس سے قبل فرانس کے جسٹ فونٹین نے 1958 ورلڈکپ میں مسلسل 6 میچز میں گول کیے تھے جبکہ برازیل کے جائرزینہو نے 1970 میں یہی کارنامہ انجام دیا تھا۔
