سٹیٹ بینک کا شرح سود 11.5 فیصد پر برقرار رکھنے کا اعلان
فائل فوٹو
Updated | Published June, 15 2026 | Muhammad Bilal
کراچی: (سنو نیوز) سٹیٹ بینک آف پاکستان نے نئی مانیٹری پالیسی کا اعلان کر دیا۔
مرکزی بینک کے مطابق شرح سود 11.5 فیصد پر برقرار رکھنے کا فیصلہ کیا گیا ہے، رواں مالی سال کی یہ آخری مانیٹری پالیسی ہے۔
اسٹیٹ بینک مانیٹری پالیسی کے مطابق مشرق وسطیٰ میں جنگی صورتحال کے باعث مہنگائی کی شرح میں اضافہ ہوا جس میں اب کمی کا امکان ہے۔
مرکزی بینک کی جانب سے کہا گیا کہ عالمی منڈی میں خام تیل کی قیمتوں میں کمی کے باعث پیٹرولیم مصنوعات کی قیمتوں میں کمی کا رجحان دیکھا جا رہا ہے، ملک میں پیٹرولیم مصنوعات کی قیمتوں میں کمی سے مہنگائی کی رفتار میں کمی کی توقع ہے۔
یہ بھی پڑھیں: جی پی ایکس 125 اور 150 پاکستان میں متعارف، قیمتیں سامنے آگئیں
یاد رہے کہ سٹیٹ بینک کی جانب سے گزشتہ مانیٹری پالیسی میں شرح سود 100 بیسز پوائنٹس اضافے سے 11.50 فیصد کیا گیا تھا۔
