آن لائن بائیک رائیڈرز کا پیٹرول 250 روپے فی لیٹر کرنے کا مطالبہ

بائیک رائیڈرز کا کہنا ہے کہ روزانہ کی آمدن کا بڑا حصہ پیٹرول پر خرچ ہو جاتا ہے، جس کے باعث مہنگائی کے موجودہ دور میں گھر کا خرچ چلانا اور بچت کرنا انتہائی مشکل ہو گیا ہے، اگر روزانہ 1500 روپے کمائی ہو تو اس کا تقریباً نصف حصہ پیٹرول پر خرچ ہو جاتا ہے، جس سے مالی مشکلات میں اضافہ ہو رہا ہے۔

یہ بھی پڑھیں: فیول سبسڈی سکیم: ایک ساتھ 4 ہزار روپے جاری کرنے کا فیصلہ

رائیڈرز کے مطابق وہ شدید گرمی اور دھوپ میں گھنٹوں سڑکوں پر محنت کرتے ہیں اور سواریوں کے انتظار میں وقت گزارتے ہیں، لیکن ایندھن کی بلند قیمتوں کے باعث ان کی آمدن متاثر ہو رہی ہے۔

انہوں نے حکومت سے مطالبہ کیا کہ پیٹرول کی قیمتوں میں مزید کمی کی جائے تاکہ ٹرانسپورٹ سے وابستہ محنت کش طبقے کو حقیقی ریلیف مل سکے اور وہ اپنے روزمرہ اخراجات بہتر انداز میں پورے کر سکیں۔