ایل این جی قیمتوں میں 28 فیصد تک کا اضافہ
متعلقہ حکام کی جانب سے جاری نوٹیفکیشن کے مطابق مئی کیلئے ایل این جی کی قیمتوں میں 28 فیصد تک اضافہ منظور کیا گیا ہے۔
رپورٹس کے مطابق نئی قیمتوں کا اطلاق مختلف گیس تقسیم کار کمپنیوں کے نظام پر کیا جائے گا۔ نوٹیفکیشن کے تحت سوئی سدرن کے نظام پر ایل این جی کی قیمت میں 3.51 ڈالر فی ایم ایم بی ٹی یو اضافہ کیا گیا، جبکہ سوئی نادرن کے نظام پر قیمت 3.43 ڈالر فی ایم ایم بی ٹی یو بڑھائی گئی ہے۔
اعلامیے کے مطابق سوئی نادرن سسٹم کیلئے ایل این جی کی نئی قیمت 16.98 ڈالر فی ایم ایم بی ٹی یو مقرر کی گئی ہے۔ اسی طرح سوئی سدرن کیلئے نئی قیمت 16.04 ڈالر فی ایم ایم بی ٹی یو طے کی گئی ہے۔
معاشی ماہرین کا کہنا ہے کہ ایل این جی کی قیمتوں میں اضافے کے اثرات صنعتی شعبے، بجلی کی پیداوار اور پیداواری لاگت پر پڑ سکتے ہیں، جس سے مختلف مصنوعات اور خدمات کی قیمتوں میں مزید اضافہ ہونے کا امکان پیدا ہو سکتا ہے۔
دوسری جانب صارفین کا کہنا ہے کہ بڑھتی مہنگائی کے دوران توانائی کی قیمتوں میں مزید اضافہ عوام کیلئے اضافی بوجھ بن سکتا ہے۔
توانائی کے شعبے میں قیمتوں کے اتار چڑھاؤ کا براہ راست اثر مجموعی معیشت اور کاروباری سرگرمیوں پر پڑتا ہے۔
یہ بھی پڑھیں:ایک روز کمی کے بعد سونا پھر ہزاروں روپے مہنگا
حکام کے مطابق نئی قیمتوں کا اطلاق مقررہ مدت کیلئے ہوگا، جبکہ آئندہ مہینوں میں عالمی توانائی مارکیٹ کی صورتحال کے مطابق مزید ردوبدل بھی ممکن ہے۔
