کاروبار کے آغاز پر ہی پاکستان اسٹاک ایکسچینج میں زبردست تیزی دیکھی گئی اور انڈیکس 1200 سے زائد پوائنٹس کے اضافے کے ساتھ ایک لاکھ 71 ہزار 263 پوائنٹس کی سطح تک پہنچ گیا۔
ذہن نشین رہے کہ گزشتہ کاروباری دن کے اختتام پر انڈیکس ایک لاکھ 69 ہزار 911 پوائنٹس پر بند ہوا تھا، جس کے مقابلے میں آج کے دن نمایاں بہتری ریکارڈ کی گئی۔
اقتصادی ماہرین کے مطابق مارکیٹ میں یہ تیزی سرمایہ کاری کے بڑھتے رجحان اور معاشی صورتحال میں جزوی استحکام کی علامت ہے، اگر یہی رجحان برقرار رہا تو آئندہ دنوں میں مزید بہتری دیکھی جا سکتی ہے۔
دوسری جانب عالمی مارکیٹس میں ملا جلا رجحان دیکھا گیا ہے، ایشیائی اسٹاک مارکیٹس میں مندی کا رجحان غالب رہا۔
یہ بھی پڑھیں:پاکستان کو سعودی عرب سے 2 ارب ڈالرز موصول
خبر ایجنسی کے مطابق جاپان کے نکی انڈیکس میں ایک فیصد کمی ریکارڈ کی گئی جبکہ ہانگ کانگ کے ہینگ سینگ انڈیکس میں 1.38 فیصد گراوٹ دیکھی گئی، اسی طرح تھائی لینڈ سیٹ انڈیکس میں بھی ایک فیصد کمی سامنے آئی۔
چین کے شنگھائی کمپوزٹ انڈیکس میں 0.30 فیصد کمی جبکہ انڈونیشیا کے جکارتہ کمپوزٹ انڈیکس میں بھی معمولی گراوٹ ریکارڈ کی گئی۔
